Atletico Madridi është eliminuar nga të gjitha garat evropiane në këtë sezon.

Kjo për shkak të humbjes së sotme ndaj Portos me rezultat 2-1, ku tani, Atletico e mbyll grupin B me vetëm 5 pikë, në vendin e fundit.

Pra, ata nuk kanë arritur të paktën të kalojnë as në Europa Ligë.

Në anën tjetër, Club Brugge dhe Bayer Leverkusen kanë barazuar pa gola.

Në vendin e parë në grupin B është Porto, me 12 pikë, dhe Club Brugge, e cila do të kualifikohet për në raundin tjetër nga vendi i dytë me 11 pikë.

Leverkusen do të kalojë në Europa Ligë në vendin e tretë me 5 pikë, aq sa ka edhe Atletico, por fitorja e gjermanëve në lojë direkte ndaj spanjollëve bën dallimin në këtë rast.

Ndërsa për Atleticon, ky është dështimi më i madh në Champions në 10 vitet e fundit, në të cilat, dy herë ishin në finale./arbresh.info/